Uwakoreye irondaruhu Vinicius Jr yakaniwe urumukwiye !
Umufana wa Mallorca wahohoteye abarimo rurangiranwa Vinicius Junior usanzwe ari umukinnyi w’icyamamare ukina muri Real Madrid ndetse n’uwahoze ari umukinnyi wa Villarreal, Samuel Chukwueze, yakatiwe igifungo cy’umwaka umwe maze anacibwa imyaka itatu atongera kugaragara kuri sitade.
ikipe ya Real Madrid yagize ati: “Uyu yahamijwe ibyaha bibiri byibasiye ubusugire bw’imyitwarire ku kibuga birimo kugaragaza imico ifite aho ihuriye n’ivanguramoko , ndetse turishimye kandi twizeye ko wenda mu gihe kizaza izi ngeso zigayitse zizacika ku kibuga ndetse nihagire uzizwa uko yavutse aho yavukiye ndetse n’ibara ry’uruhu”
Uyu mufana yakoreye Ihohoterwa Vinicius igihe Real Madrid yatsindagwa na ekipe ya Mallorca muri La Liga igitego 1-0 na kuri Stade yabo yitwa Son Moix , hari muri Gashyantare 2023, mbere yuko umufana umwe atuka Chukwueze, ubu uri muri AC Milan ku munsi wakurikiyeho.
Real Madrid yavuze ko igihano cy’igifungo cy’umufana w’umupira w’amaguru cyahagaritswe nyuma yuko uregwa asabye imbabazi akerekana ko yicujije, ndetse ibi byanajyanaga hamwe n’ibaruwa yandikiwe Vinicius, ubwo yari arangije gahunda ye yise iy’uburinganire no kurwanya ivangura.
Iki ni icyaha cya gatatu cy’icyaha cyatanzwe mu mezi ashize kubera gutuka , ndetse n’ivanguramoko ku bakinnyi ba Real Madrid, cyane cyane Vinicius, wahohotewe n’ibihe byinshi nk’ibi byo guhohoterwa mu bibuga hirya no hino kuva yagera muri Espagne mu 2018.
SI ubwa mbere ibi bibaye kuko muri Kamena, abafana batatu ba Valencia bakatiwe igifungo cy’amezi umunani kubera ibitutsi by’ivangura byabwiwe rutahizamu ukomoka muri Berezile kuri stade y’ikipe yabo muri Gicurasi 2023.
Ibi bintu byanateje urunturuntu ku rwego mpuzamahanga, binateza impaka muri Espagne, aho usanga imyaka myinshi iki gihugi kitiyumvamo n’abatari bake kubera ivanguramoko ryakunze kugaragara mu bibuga by’umupira w’amaguru.
Real Madrid yavuze kandi ko undi mufana wa Mallorca, uyu we wari n’umwana muto wahohoteye amoko umukinnyi wo hagati w’iyi ikipe y’ibwami witwa Aurelien Tchouameni, na we yari amaze umwaka abujijwe ku bibuga.
Real Madrid yongeyeho ati: “[Yasabye imbabazi kandi agaragaza ko yicujije kubera imyitwarire ye, kandi yemeye kurangiza ibikorwa by’imibereho-uburezi mu bubasha bw’abana bato nk’uko byasabwe n’ubushinjacyaha.”
Mu ntangiriro za Nzeri, Vinicius Junior yanahamagariye impuzamashyirahamwe y’umupira w’amaguru ku isi kwambura esipanye kwakira igikombe cy’isi cyo muri 2030 mu gihe ntacyo leta yakibwira ku kibazo cy’ivanguramoko kuri sitade.
Dusoza ,Ku cyumweru iki Real Madrid izasura Atletico Madrid mu mukino wa derby uzabera kuri Stade Metropolitano, aho Vinicius yagiye akorerwa ihohoterwa rishingiye ku moko inshuro nyinshi.
