umunya -camaroun amaze guhaguruka i yaunde aje gusinyira ikipe ya Rayon sports
umunya – camaroun witwa Aziz Bassane Koulagna usanzwe ukina nka mababa yamaze guhaguruka i yaunde yerekeza i kigali , aho aje gushyira umukono ku masezerano mu ikipe ya Rayon sports .
Aziz Bassane w’imyaka makumyabiri n’ibiri yari asanzwe akinira ikipe y’iwabo mu gihugu cya Cameroun ya Coton Sport FC de Garoua yavutse tariki ya 24 /Kanama mu mwaka wa 2001 akaba akinisha akaguru k’iburyo , agakunda guca ku mpande ariko asatira izamu ndetse akaba apima metero imwe na santimetero 66.
Aziz yasinyiye muri iyi ku itariki ya mbere z’ukwezi kwa karindwi mu mwaka wa 2022 ,akaba ari umukinnyi mwiza ndetse unafite impano byumwihariko afite umuvuduko mwinshi ndetse no gucenga nkuko bigaragara mu mashusho agaragara kuri internet mu mukino yagiye akinira iyi ikipe.
Rayon Sports ikomeje gukataza ishaka abakinnyi batandukanye mu rwego rwo kugira ngo izitware neza mu mwaka w’imikino utaha, aho yamaze gusinyisha abakinnyi nka umunyezamu Ndikuriyo Patient, Rukundo Abdul Rahman, Richard Ndayishimiye, Omar Gningue, Nshimiyimana Emmanuel ‘Kabange’, Ishimwe Fiston, Omborenga Fitina ndetse na Niyonzima Olivier ‘Seif’.
Ndetse mu kwezi gushize iyi ikipe yambara ubururu n’umweru iherutse gusinyisha Niyonzima Haruna wazamukiye muri Enticelles wanakiniye amakipe arimo nka AS Kigali, akinira Yanga Africans na Simba SC zo muri Tanzania ndetse na Al Ta’awon yo muri Libya yakiniraga mu mwaka w’imikino ushize.
Rayon Sports kandi yatangiye imyitozo ikaba iyikorera mu Nzove mu rwego rwo kwitegura shampiyona y’umwaka utaha 2024/2025.
