Ituri : igisirikare cya Congo cyataye muri yombi abo gishinja gukorana n’umutwe wa M23 mu gace ka Tchomia
Inzego z’umutekano muri Repubulika Iharanira Demokarasi ya Congo ziratangaza ko zafashe abantu bakekwaho kuba barafatanya n’inyeshyamba za M23, mu turere twa Djugu na Irumu ho mu ntara ya Ituri.
Ku wa gatanu, tariki ya 9 Kanama i Tchomia, , abasore bagera ku icumi harimo n’ukomoka muri Uganda batawe muri yombi bakekwaho icyaha cyo gukorana n’imitwe yitwaje intwaro.
Ibije nyuma y’uko hari hamaze iminisi havugwa ko amakuru ajyanye n’abacengezi bitwaje imbunda, bikekwa ko bifitanye isano n’inyeshyamba za M23 muri Ituri.
Mu bakekwa harimo abasore babiri bari mu kigero cy’urubyiruko binavugwa ko bahawe amasomo ya gisirikare n’abasirikare b’u Rwanda baherereye muri iki gihugu nk’uko Radio okapi ibitangaza .
aba bafashwe berekeza mu gace ka Boa hafi ya Tchomia, bahita batabwa muri yombi mu cyumweru gishize ndetse kugeza ubu dosiye zabo ziri gukorwaho iperereza n’ubugenzuzi bukuru bwa gisirikare bwa Ituri .
Ku wa gatanu, abandi basore bagera ku icumi bakekwaho iki icyaha bafatiwe muri Tchomia kandi iperereza rirakomeje gusa amakuru aturuka mu nzego z’ubutegetsi z’iki gihugu avuga ko hari n’abandi bakekwa ko binjira mu gace ka Kalyabugongo berekeza ku mugezi wa Semliki mu murenge wa Bahema Sud ku mupaka na Uganda, hagamijwe guhungabanya umutekano w’intara ya Ituri nabo bari gurwaho iperereza.
Mu nyandiko ya kwirakwizwa ku mbuga nkoranyambaga, ubuyobozi bw’iyi ntara bwategetse inzego z’umutekano gushimangira igenzura mu baturage baturuka mu gace biyaga bigari byumwihariko abaturutse mu gihugu cya Uganda gusa Ku ruhande rwayo, sosiyete sivile muri Ituri irasaba Guverinoma gufatanya n’abayobozi ba Uganda kurinda umutekano ku mipaka igabanya ibihugu byombi.