KENYA: kubera uburakari bw’abaturage ;Perezida Ruto yahagaritse kongera imishahara y’abadepite
Perezida wa Kenya William Ruto yategetse igitaraganya ko ibikorwa byose byari bigamije kongerera imishahara abadepite n’abaminisitiri byari biteganijwe bihita bihagarara kubera uburakari bw’urubyiruko ruri mu myigaragambyo bukomeje kwiyongera.
ibi bije nyuma y’icyumweru imyigaragambyo yitabiriwe n’imbaga ihatiye Ruto kureka umushinga w’itegeko ry’ingengo y’imari wari urimo kongera imisoro.ejo Ku wa gatatu, ukuriye akanama k’igihugu k’imishahara (SRC) Lyn Mengich yavuze ko kazahagarika izo nyongera ku mishahara ku bategetsi bo muri leta kubera .
Mbere, ako kanama k’imishahara kari kagiye inama yo kongera imishahara ho 2% na 5% ku bategetsi bose bo muri leta, harimo n’abacamanza.Abantu batangiye kwibaza ukuntu imishahara y’abanyapolitiki, barimo na ba guverineri, ishobora kongerwa mu gihe bifatwa ko hari amakuba mu gihugu ajyanye n’imari.
Ruto yaretse gahunda zo kongera imisoro nyuma yuko abigaragambya binubiye ko badashobora kubona ubushobozi bwo kuyishyura, kuko basanzwe bagorwa no kwiyongera cyane kw’ikiguzi cy’imibereho.Uko kwisubiraho kwabaye nyuma y’ibiganiro na minisiteri y’imari, nkuko Mengich yabivuze.
Muri 2023 Komisiyo ishinzwe imishahara kasohoye itangazo, gatanga igitekerezo ko kongera imishahara byatangirana n’uku kwezi.Ariko Minisitiri w’abakozi ba leta Moses Kuria yavuze ko atazashyira mu bikorwa izo nyongera ku mishahara “uko zijyanye” n’abagize guverinoma.
umusibo ejo, Samuel Njoroge, umukozi wo mu nteko ishingamategeko, yabwiye ikinyamakuru the People Daily cyo muri Kenya ko icyifuzo cy’akanama k’imishahara kidashobora kuburizwamo kuko kireba abakozi bo hejuru bose ba leta.
Icyo kinyamakuru cyamusubiyemo agira ati: “Izo mpinduka ni amavugurura asanzwe ku mishahara cyangwa inyongera zibaho mu kigo icyo ari cyo cyose.”
Itangazo ry’umuvugizi wa Ruto rigira riti: “Perezida yashimangiye ko iki ari igihe, kurusha ikindi cyabayeho mbere, cyuko abo mu butegetsi nyubahirizategeko n’abo mu zindi nzego za leta babaho mu buryo bujyanye n’amikoro yabo.”Imyigaragambyo yo mu cyumweru gishize, yayobowe n’urubyiruko, ni yo ya mbere yitabiriwe n’imbaga nyinshi muri Kenya kuva Ruto yagera ku butegetsi mu 2022.
