Iyo bigeze ku bihe by’icyubahiro mu mupira w’amaguru ku rwego rw’amakipe, nta gihembo kiruta igikombe cya UEFA Champions League. Irushanwa rikomeye rya shampiyona y’i Burayi ryakinwe n’abakinnyi b’ibyamamare batabarika, ariko ni bake batoranyijwe babashije gutwara igikombe inshuro nyinshi kurusha abandi.
Aba ni bo ba nyiri amateka bakaba bamwe mu ntwari zabaye indatsimburwa mu mateka ya Champions League.
- Paco Gento – Umwami wa Mbere (Ibikombe 6)
Umusore w’Umunya-Espagne Francisco “Paco” Gento afite umwanya udasanzwe mu mateka ya ruhago.
Uyu yakiniye Real Madrid y’ibihe byo hambere mu myaka ya 1950 na 1960, atwara ibikombe bitandatu bya European Cup (ubu ni Champions League) hagati ya 1956 na 1966. Imbaraga ze, ubuhanga, n’ubushobozi bwo gukina igihe kirekire byamugize inkingi ya mwamba y’intsinzi za Real Madrid mu ntangiriro z’irushanwa.
- Toni Kroos, Luka Modrić, Dani Carvajal, Nacho, na Isco – Abanyabigwi b’Igihe Tugezemo (Ibikombe 5)
Abakinnyi ba Real Madrid b’iki gihe na bo basize izina rikomeye. Toni Kroos, Luka Modrić, Dani Carvajal, na Isco batsinze inshuro eshanu muri 2014, 2016, 2017, 2018, na 2022.
Nacho Fernández, myugariro ushobora gukina imyanya myinshi, yageze kuri iyo ntsinzi nyuma yo kugira uruhare rukomeye mu rugendo rwa Real Madrid muri ibyo bihe.
Nubwo Kroos yasezeye gukina ruhago mu 2024, Modrić aracyakina, aho agikomeza kwandika amateka ye muri iyi i
kipe y’i Madrid.
- Cristiano Ronaldo – Umukinnyi w’Ibitego Bidashira (Ibikombe 5)
Uru rrutonde ntirwskuzura hatabayemo Cristiano Ronaldo, umukinnyi watsinze ibitego byinshi mu mateka ya
Champions League. Yatwaye ibikombe bitanu – kimwe ari kumwe na Manchester United (2008) n’ibindi bine muri Real Madrid (2014, 2016, 2017, 2018). Imikino ye y’igitangaza irimo n’igitego cy’umutwe cy’umurabyo yatsinze Juventus, biri mu mateka akomeye ya Champions League.
- Casemiro – Umugabo ukina yugarira hagati mu Kibuga (Ibikombe 5)
Casemiro, umukinnyi wo hagati w’Umunya-Brazil, yagize uruhare rukomeye mu bikombe bitanu bya Real Madrid, mu myaka ya za 2015.
Imbaraga ze mu bwugarizi n’ubuhanga mu gukinisha umupira hagati ni byo byamugize inkingi y’ubushobozi nk’ubwa Zidane mu gihe cy’ubwami bwe.
Yagiye muri Manchester United mu 2022, ariko ntibimubyza kuguma mu mateka y’ababaye indatsimburwa muri Champions League.
- Karim Benzema na Marcelo – Intwari za Real Madrid (Ibikombe 5)
- Karim Benzema na Marcelo, abakinnyi babereye indashyikirwa ikipe ya Real Madrid, na bo batwaye Champions League inshuro eshanu.
Benzema yerekanye ubuhanga budasanzwe mu mikino yo mu 2021–22, atsinda ibitego byinshi by’ingenzi byafashije ikipe ye kugera ku gikombe.
Marcelo, wari kapiteni, ni we wakiriye igikombe mu 2022 – uburyo bwiza bwo gusezera ku ikipe yahindutse nk’urugo.
Abandi Bakinnyi B’ingenzi Bakwiriye Kuvugwa harimo
Andrés Iniesta, Xavi Hernández, na Lionel Messi batwaye Champions League inshuro enye buri wese hamwe na FC Barcelona, mu gihe cyabo cya tiki-taka.
- Clarence Seedorf ni we mukinnyi wenyine watwaye Champions League ari kumwe n’amakipe atatu atandukanye: Ajax, Real Madrid, na AC Milan.
Muri macye icyo Byasabye aba bose kugera Ku Gikombe si imibare gusa ahubwo ibi bisobanura ubutegetsi bw’ibihe, ubuyobozi mu bihe bigoye, no gushaka gutsinda uko byagenda kose. Niba ari abo muri Real Madrid cyangwa izindi kipe zikomeye i Burayi, aba bakinnyi berekanye ko gutwara Champions League ari ikimenyetso cy’ubuhangange.
Uko umwaka w’imikino wa 2025/26 ugiye gutangira, abakinnyi bashya barimo guhatana ngo bazagere kuri izo ntego – ariko kugeza ubu, abami b’i Burayi baracyicaye ku ntebe zabo.
