Perezida wa Barcelona Joan Laporte yatangaje ko kuba batari ku mukino wa nyuma wa Champions League 2024-2025, ari ukubera musifuzi wabogamye ku mukino wo kwishyura batsinzwemo ndetse bagakurwamo na Inter Milan kuri Giuseppe Meazza.
Barcelona yari yagerageje kwitwara neza mu mikino yombi(ubanza n’uwo kwishyura) muri Remontada zabo z’agatangaza , cyane ko haba mu mukino ubanza wabereye Olimpics Louis Companys , Inter Milan yabanje ibitego bibiri Barcelona ikaza yishyura.
Mu mukino wo kwishyura, Barcelona yavuze ko yibwe penalti ebyiri ndetse bavuga ko penaliti yahawe Inter Milan ku gitego cya Kabiri cya Hakan Çalhanoğlu itari yo , ndetse ngo hari n’andi mahirwe umusifuzi Szymon Marciniak yagiye aha Inter Milan mu buryo bwo kuyongerera amahirwe no guca intege Barcelona.
Joan Laporte: “Ntago twageze ku mukino wa nyuma wa (Champions League) kubera imyanzuro y’umusifuzi(Szymon Marciniak).”
Gavi: “Ntabwo bashakaga ko tugera ku mukino wa nyuma kuko barimo guterwa ubwoba n’ukuntu turi kwitwara muri uyu mwaka.”
Hansi Flinck: “Buri cyemezo cyari hagati no hagati, umusifuzi yagihaye Inter Milan.”
Szymon Marciniak: “Ibyavuzwe n’umutoza Hansi Flick n’abakinnyi be ni urwenya. Nababwira iki ku magambo y’ubupfapfa? Ntamuntu nigeze ngirira nabi.”
Barcelona muri uyu mwaka w’imikino imaze gutwara ibikombe bibiri byose yatsinze Real Madrid ku mukino wa nyuma, ifite amahirwe yo gutwara igikombe cya gatatu ari cyo cya Shampiyona, cyane ko iyo boye urutonde ikaba isabwa gutsinda Real Madrid bahanganye mu mukino wo kwishyura.
IYI NKURU UYAKIRIYE UTE