Ikipe ya Leeds united yagarutse mu kiciro cya mbere cya shampiyona y’umupira w’amaguru mu Bwongereza, nyuma y’imyaka ibiri yari ishize imanutse mu kiciro cya kabiri.
Nyuma yo gutsindwa ku ikipe ya Sheffield united na Burnley ibitego 2 ku busa, byaje bisanga intsinzi y’ibitego 6-0 ikipe ya Leeds united yakoreye kuri Stoke city, byahise bishimangira ko amakipe ya Burnley na Leeds united ahise abona itike yihuse yo kuzakina imikino ya shampiyona y’ikiciro cya mbere y’Ubwongereza mu bagabo.
Nubwo hasigaye imikino ibiri ya shampiyona ntibikuraho ko amakipe ya Burnley na Leeds yose anganya amanota 94 agomba kuzamukana mu kiciro cya mbere. Gusa ikipe Leeds united niyo iyoboye urutonde kubera ibitego byinshi izigamye mu gihe ikipe ya Sheffield united yo igomba kunyura mu mikino ya kamarampaka dore ko ifite amanota 86, byumvikana neza ko idashobora gufata amakipe abiri ya mbere ayoboye urutonde.
Ikipe ya Leeds kandi yashoboye kugaruka mu kiciro cya mbere ku ntsinzi y’ibitego bitandatu ku busa bwa Sheffield united, bagezeho ubwo rutahizamu Joel Piroe, yabafashaga maze akabatsindira ibitego 4, mu gice cya mbere ku kibuga Elland road.
Si ubwa mbere iyi kipe igerageza gukomanga ishaka kugaruka mu cyiciro cya mbere dore ko no mu mwaka w’imikino ushize iyi kipe yari yageze ku mukino wa nyuma wa kamarampaka,gusa ntibabasha kurenga umukino wa nyuma kuko batsinzwe na Southampton igitego kimwe ku busa.
Ku rundi ruhande ikipe ya Burnley nayo yabashije kugaruka mu cyiciro cya mbere nyuma yo kumanuka mu cya kabiri umwaka ushize w’imikino, ibitego bibiri bya Josh Brownhill byari bihagije ngo ikipe ya Sheffield united itsindirwe ku kibuga Turf Moor.
Tubibutse ko Leeds united ari ikipe izwiho gutanga amahirwe ku bakinnyi bakiri bato, dore ko n’ubu itabiretse kuko ifite abakinnyi benshi bakiri bato ahanini bakomoka mu gihugu cya Leta zunze ubumwe z’Amerika, muri abo twavuga nka Brenden Aaronson, Luca Koleosho n’abandi benshi n’ikipe Kandi yanyuzemo abakinnyi nka Weston Mckennie na Tyler Adams.
