Umutoza w’ikipe ya Arsenal Mikel Arteta yatangaje ko Bukayo Saka atagize imvune ikomeye nk’uko benshi babitekereje nyuma yo kuva mu kibuga ku munota wa 57′ asimburwa na Ethan Nwaneri.
kuri iki cyumweru tariki 20 Mata 2025, nibwo Arsenal yakinaga umunsi wayo wa 33 wa Shampiyona y’igihigu y’Abongereza aho yari yasuye Ipswich Town kuri Portman Road, birangira banayitsinze ibitego bine ku busa(4-0), ni ibitego bya Leandro Trossard 14′ , Gabriel Martinelli 28′ , Leandro Trossard 59′ , na Ethan Nwaneri 88′.
Ku munota wa 32′ w’umukino ,Leaf Davis , yabonye ikarita y’umutuku ku ikosa yari akoreye Bukayo Saka, nyuma y’umukino yagaragaye ahambiriye benshi bagira impungenge ko yaba yavunitse bikomeye(yari yababaye ku igufa riri hejuru y’ikirenge).
Mikel Arteta yagize Ati “Bwari ububare butari bwinshi, gusa ntago byari bihambaye , ariko bimeze neza.”
Bukayo Saka , yari amaze igihe kingana n’amezi atatu afite ikibazo cya hamstring, mu kugaruka yaje atanga umusaruro mu mikino byumwihariko ibiri ya Champions League bakinnyemo na Real Madrid harimo n’igitego yatsinze kuri Santiago Bernabéu muri bibiri batsinzemo Real Madrid bakaba bagomba kwisobanura na Paris Saint Germain bakabona amahirwe yo gukina Finali nyuma y’iyo bakinnye 2006, bagatsindwa na Barcelona.
Uyu musore w’imyaka 23 , akaba na mababa w’Ikipe y’Igihugu y’Abongereza amaze gutsinda ibitego bitandatu n’imipira 10 yavuyemo ibitego muri Premier League mu mikino 20, Champions League ho amaze kwinjiza ibitego bitanu anatanga imipira ibiri yavuyemo ibitego mu mikino irindwi.
IYI NKURU UYAKIRIYE UTE?
