Ikipe ya Real Madrid iherutse gusezerwa mu mikino ya Champions League na Arsenal muri kimwe cya Kane kirangiza, inayisezerera mu buryo bwagaragaje intege nke za Real Madrid aho mu mukino ubanza yayitsinze ibitego bitatu ku busa(3-0), mu gihe uwo kwishyura yayitsinze ibitego bibiri kuri kimwe (2-1), imbere y’abafana buzuye Santiago Bernabéu.
Nyuma y’uyu mukino, bamwe mu bagize Bodi ya Real Madrid ndetse na Florentino Pérez barakajwe n’uburyo iyi kipe yitwaye ndetse bategura kuzatandukana na Carlo Ancelotti nyuma y’umukino w’anyuma wa Copa del Rey, aramutse awutakaje , ni umukino uzaba tariki 26 Mata 2025.
Aba ni abatoza bari gushyirwa mu majwi mu gusimbura Carlo Ancelott!
1.Jürgen Klopp, Uyu ni umutoza w’Umudage watoje amakipe nka Brussia Dortmund na Liverpool Kandi hose yitwara neza , yahaye Liverpool Premier league na Champions League batari baherutse. Uyu agatekerezwa nk’uwaba mwiza asimbuye Dr. Carlo Ancelott nubwo we yabyamaganiye kure.
2.Raúl González, Uyu mugabo w’imyaka 47 wakiniye Real Madrid kuva 1994 kugeza 2010, ari gutekerezwa nk’umuntu uzi neza Madrid cyane ko ubu ari gutoza Real Madrid Castilla , mu rwego rwo kubaka Real Madrid ishingiye kuri academy nka Barcelona, amakuru aremeza ko afite amahirwe.
3.Santiago Solari, Si ubwambere uyu mugabo yaba ahawe iyi kipe , cyane ko yigeze kuyihabwa mu 2018 , avuye muri Real Madrid Castilla gusa bidateye Kabiri yahise ayisohokamo mu 2019.
4.Xabi Alonso, Umunya-Esipanye w’imyaka 43 yakiniye Real Madrid hagati 2009-2014, umwaka ushize w’imikino yatwaye igikombe cya Shampiyona adatsinzwe ndetse cyari igikombe cya mbere Bayer Leverkusen yari twaye mu mateka, amakuru akemeza ko ari mu bashobora kuzagira amahirwe yo gusimbura Carlo Ancelott.
Real Madrid , nubwo yasezerewe muri Champions League, muri Shampiyona iracyafite amahirwe yo kuyegukana nubwo Barcelona ikomeje kwitwara neza, kuri uyu munsi yatsinze Celta Vigo ibitego bine kuri bitatu (4-3), mu gihe Real Madrid yo ifite umukino kuri iki cyumweru na Athletic Club.
IYI NKURU UYAKIRIYE UTE?
