DRC : Tshisekedi yashyizeho umusimbura wa Gen . Cirimwami uherutse kwicwa
Kuri uyu wa gatatu , tariki ya 29 Mutarama 2025 , Minisiteri y’ingabo ya repubulika iharanira demokarasi ya Kongo ko yagize Maj . Gen .Somo Evaritse Kakule yagizwe umuyobozi w’igisirikare mu ntara ya Kivu y’Amajyaruguru iri kubarizwamo imirwano ikomeye ihanganishijemo FARDC na M23 byumwihariko mu mujyi wa Goma .
Iyi Minisiteri y’ingabo ya Kongo yashimangiye iby’aya makuru y’ishyirwaho ry’umusimbura wa Peter cirimwami uherutse kwicirwa ku rugamba ibicishije ku rukuta rwayo rwo ku rubuga rwa X .
Aho yagize iti : ” Hashingiwe ku itegeko rya perezida ryo ku wa kabiri Mutarama 2025 , Maj. Gen Evariste Somo yagizwe umuyobozi w’ingabo muri Kivu y’amajyaruguru “
Maj .Gen . Somo agiye kuri uyu mwanya asimbuye Peter Cirimwami Nkuba wapfuye azize ibikomere yakuye ku rugamba nyuma yo kurasirwa ku mirongo y’urugamba bahanganyemo na M23 ubwo yari muri Goma .
Uyu Maj . Gen . Evariste agiye kuri uyu mwanya nyuma yuko yayoboraga umutwe w’ingabo wa 31 zishinzwe gutabara aho rukomeye muri gisirikare cya Repubulika Iharanira Demokarasi ya Kongo zifite ibirindiro mu gace ka Kindu mu ntara ya Maniema .Uyu mugabo yongeye kuzamurwa mu ntera nyuma y’iminsi mike azamuwe mu mapeti agashyirwa ku ipeti rya jenerali majoro .
Maj . Gen .Somo w’imyaka isaga 50 ni umwe mu basirikare bakomeye muri FARDC banabyigiye dore ko afite impamyabushobozi ya kaminuza mu ishami ry’amategeko mu ndetse akaba yaragiye anyura mu mashuri ya gisirikare akomeye nka College of advanced studies in strategy and Defense [ CHESD ] ndetse na Royal Military Academy mu gihugu cy’Ububiligi .