Iby’itike ya CHAN biri gusobanuka nyuma yo kuberereka kwa Amavubi na Ethiopia
Ikipe y’igihugu y’u Rwanda “Amavubi” yamaze gusezererwa yagabanyije umubare w’amakipe agifite amahirwe yo gukina imikino y’igikombe cya Africa cy’abakina imbere mu bihugu byabo “CHAN” umwaka wa 2025.
Kuki u Rwanda rwasezerewe rutarakina umukino wo kwishyura
Mu karere ka Africa y’iburasirazuba “CECAFA” muri iyi mikino ya CHAN bemerewe gutanga amakipe Ane gusa atatu muri ayo yabonye itike ku bwo kwakira iri rushanwa ayo ni Tanzaniya, Uganda ndetse na Keny bivuze ko itike ihatanirwa ari imwe.
Nyuma yo gukina ijonjora rya mbere hasigaye amakipe Atanu ahatanira itike imwe n’ukuvuga Uburundi, Rwanda, Ethiopia, Sudan ndetse na Sudan y’Epfo nubwo bitabujije amakipe azakira irushanwa n’ubundi gukina ijonjora .
Mu ijonjora rya Kabiri rero amakipe yose yakinnye ndetse nari bukine n’azakina hazakorwa urutonde rw’amakipe yose barebe ikipe ifite imibare myiza kuruta ayandi yose, kuri ubu rero Sudan yatsinze imikino ibiri y’ayo itsinda Ethiopia[Umukino ubanza Ethiopia 0-2 Sudan, uwo kwishyura Sudan 2- 1 Ethiopia].
Ibi bishyira akadoma ku rugendo rw’Amavubi kuko n’iyo rwatsinda umukino wa Sudan y’Epfo ntirwagwiza amanota 6, bisobanuye ko magingo aya amakipe atari muri gahunda yibihatanirwa ari Ethiopia ndetse n’Urwanda.
Amakipe agifite amahirwe n’ikipe ya Sudan ya Khartoum, Sudan y’Epfo isabwa gutsinda Amavubi bine ku busa(4-0) ku girango ikomeze kandi byibuze Uganda ikaba yabashije ku bona inota rimwe ku Burundi nabwo bugifite amahirwe yuzuye buramutse butsinze imikino ibiri Uganda kandi ikagira icyinyuranyo k’ibitego bine irusha Uganda, ibigoye cyane.
Ni ukuvuga ko ukurikije ibisabwa aya makipe [Uburundi na Sudan y’Epfo] byo gutsindira amanota atandatu kuri atandatu kandi bakazigama ibitego bine birasa nk’aho ikipe ya Sudan (Khartoum) yamaze kwibonera itike ya CHAN ya 2025 izabera Uganda, Tanzania na Kenya.