Uburusiya bwagabye ibitero bikomeye bwise impano ya Noheli kuri Ukraine
Kuri uyu wa gatatu tariki ya 25 / Ukuboza /2024 , Misile z’Uburusiya zahitanye byibuze umuntu umwe, zikomeretsa batatu mu majyepfo ya Ukraine kandi zangiza ibikorwa remezo bitandukanye birimo n’iby’ingufu z’amashanyarazi muri Ukraine.
Ku wa gatatu mu gitondo, abarimo guverineri wa leta ya Kherson yanapfuyemo umuntu n’abandi bayobozi b’inzego z’ibanze n’ingabo zirwanira mu kirere na bo bavuze ko indege za misile z’uburusiya zarashe ibisasu byinshi mu turere two mu burasirazuba, hagati, mu majyepfo no mu burengerazuba tw’iki gihugu.
Guverineri w’iyi leta witwa Oleh Syniehubov yavuze ko mu majyaruguru y’uburasirazuba bwa Ukraine, byibuze abantu batandatu bakomerekeye mu gitero cya misile cyagabwe ku aka karere ka Kharkiv.
Perezida wa Ukraine we witwa Volodymyr Zelensky kubwe abona ko iki gitero cy’ibisasu bya misile cy’Uburusiya muri Ukraine kuri uyu munsi mukuru wa Noheli kitarimo ubumuntu na buke.
Aho yagize ati : “Uyu munsi, [Perezida w’Uburusiya Vladimir] Putin yahisemo ku bushake Noheli ngo abe ari bwo agaba igitero. Ni iki cyaba kutagira ubumuntu kurenza ibyo? Misile zirenga 70, zirimo na ‘ballistic’, na ‘drone’ [indege nto z’intambara zitajyamo umupilote] zirenga 100. Ibyagambiriwe ni urwego rwacu rw’ingufu z’amashanyarazi. Bakomeje kurwanira ko Ukraine iba mu kizima.” Nkuko yabitangarije France 24 .
Ingabo zirwanira mu kirere za Ukraine zo zanavuze ko misile zarashwe i Kharkiv zari mu bwoko bw’izizwi nka ballistique .Hagati aho, i Dnipropetrovsk, Guverineri Serhiy Lysak yanavuze ko Uburusiya bwangije amashanyarazi.