DRC : Perezida Tshisekedi yashyizeho umuyobozi mushya wa FARDC
Ku munsi wo ku wa kane , tariki ya 19 / Ukuboza/2024 , Perezida wa Repubulika iharanira Demokarasi ya Kongo,Félix Antoine Tshisekedi Tshilombo yakoze impinduka zitandukanye ndetse anazamura mu ntera bamwe mu basirikare bakuru mu gisirikare cy’iki gihugu cyizwi nka FARDC .
Nyuma y’itangazo ryasomewe kuri tereviziyo y’igihugu izwi nka Radio-Télévision nationale congolaise [RTNC] , byasize uwitwa Liyetona Jenerali Jules Banza Mwilambwe azamuwe ku ntera avuye ku ipeti rya Liyetona Jenerali maze agirwa Umuyobozi mukuru w’ingabo za FARDC, asimbuye Jenerali Christian Tshiwewe.
Perezida Felix kandi yanategetse ko uyu Liyetona Jenerali Jules Banza yungurizwa na Liyetona Jenerali Ichaligonza Nduru Jacques, nk’umuyobozi mukuru wungirije ushinzwe ibikorwa n’ubutasi.
Perezida Tshisekedi yanashyizeho kandi mu myanya y’abayobozi bakuru mu gisirikare ndetse n’abungirije mu buryo bukurikira :
- Jenerali Majoro Makombo Muinaminayi Jean Roger, ushinzwe ubutasi bwa gisirikare .
- Burigadiye Jenerali Mulume Oderwa, yashinzwe ibikorwa muri FARDC.
- Burigadiye Jenerali Mbuyi Tshivuadi, yashinzwe ibikorwa byose bifite aho bihuriye n’ubuyobozi muri FADRC .
Tshisekedi Tshilombo yanazamuye abandi basirikare benshi mu ntera nk’aba ofisiye bakuru n’abasirikare bakuru.
Aba bakurikira bazamuwe ku ntera aho bashyizwe ku peti rya liyetona jenerali muri FARDC:
- Banza Mwilambwe Jules .
- Kabamba wa Kasanda Francois.
- Kasongo Kabwit Jean-Pierre.
Aba bakurikira bashyizwe ku peti rya Jenerali Majoro:
- Malubuni Martin.
- Makombo Muinaminayi Jean Roger.
- Biagolo Ngondo Antoine.
Aba bakurikira bazamuwe ku ntera ya Burigadiye Jenerali wa FARDC:
- Katende Batubadila Benjamin .
- Maloba Mwila Eric.
- Monga Bondo Raymond Bart.
- Mpanga Mwamba Modest.
- Muteteke Mutunda Jim
Izi mpinduka zitunguranye zikozwe mu gisirikare cya DRC zije mu gihe intambara yamaze gufata urundi rwego mu burasirazuba bwa DRC aho bahanganye n’inyeshyamba za M23 aho kuri ubu bivugwa ko zikomeje kwigarurira uduce twinshi tw’iki gihugu ari nako zinerekeza mu ntara ya Kivu Ruguru.
Izi nyeshyamba zimaze kwigarurira uduce tumwe na tumwe two muri Teretwari ya Lubero, hiyongereyeho utundi turere twinshi mu turere twa Masisi, Rutshuru na Walikale.
DAILY BOX REPORT
