Premier League: Manchester City yatsinzwe na Manchester United,Pep Guardiola akomeza kwibazwaho
Ikipe ya Manchester United yatsinze ikipe ya Manchester City ibitego bibiri kuri kimwe(2-1), ku munsi wa 16 wa shampiyona y’Igihugu y’Abongereza bituma Pep Guardiola akomeza kwibazwaho.
Ni umukino Manchester City yagiye gukina imaze gutsinda umukino umwe mu mikino 10 iheruka,[Umukino batsinzemo Nottingham Forest F.C ibitego bitatu ku busa], mu gihe Manchester United yo yari ikomeje guhuzagurika mu mikino mike ishize.
Umutoza Ruben Amorim yatunguranye cyane muri 11 be aho atashyizemo Alejandro Garnacho na Marcus Rashford ndetse ntanubwo bari mu rutonde rw’abakinnyi United yifashije kuri uyu mukino.
Ikipe ya Manchester City yabonye igitego hakirikare ku munota wa 36′ cyatsinzwe na Joško Gvardiol kukazi kari gakozwe n’Umubiligi Kevin De Bruyne maze uyu Munya-Kuruwasiya afasha City kuyobora umukino arina ko igice cya mbere cyarangiye.
Mu gice cya kabiri Manchester United yari itandukanye cyane nubwo yari yagize ibyago igasimbuza biyitunguye mu gice cya mbere aho ku munota wa 14′ Mason Mount yasimbuwe na Kobbie Mainoo.
Ku mukonota wa 73′ Manchester United yaremye uburyo bukomeye bw’igitego ku mupira wazamukanwe na Noussair Mazraoui uwutanga kwa Rasmus Højlund wahise awuha neza cyane Bruno Fernandes gusa ananirwa ku wushyira mu izamu.
Ikipe ya Manchester United yabonye penariti ku munota 88′ ku ikosa ryakorewe Amad Diallo, yahise iterwa neza na Bruno Fernandes mu nguni y’iburyo bwe yandikisha igitego cya mbere.
Uyu munsi wa 16 wa shampiyona usize Manchester City iri ku mwanya wa 5 na amanota 27, mu gihe United ya Ruben Amorim ubu ari ku mwanya wa 12 na amanota 22.
