Dore abatoza bashobora gukurikira Paul Gary O’Neil wa Wolverhampton wirukanwe
Kuri iki Cyumweru tariki ya 15 Ukuboza 2024, ikipe ya Wolverhampton Wanderers F.C yafashe ikemezo cyo kwirukana uwari mutoza wayo Paul Gary O’Neil nyuma y’imikino 16 ya shampiyona y’Abongereza Premier League 2024-2025.
Uyu mutoza wageze muri iyi kipe mu mwaka wa 2023 yari yari twaye neza cyane mu mwaka ushize w’imikino aho yari yasoreje ku mwanya wa 14 na amanota 46 gusa ari mu mwenda w’ibitego 15.
Uyu mutoza yirukanwe nyuma yabandi batoza birukanwe mbere ye muri Premier League barimo umutoza wa Manchester United Umuhorandi Erik Ten Hag wahise usimburwa na Ruud van Nistelrooy by’agateganyo , ikipe izagufatwa by’aburundu n’Umunya-Portugal Ruben Amorim.
Usibye Ten Hag ikipe ya Leicester City F.C yafashe ikemezo cyo kwirukana uwari umutoza wayo Steve Cooper wari waranirukanwe na Nottingham Forest F.C, Leicester City itazuyaje iha akazi Ruud van Nistelrooy.
Aba ni abandi batoza 5 muri Premier League bari mu byago byo kwirukanwa mu makipe yabo mu gihe ntacyo baba bakoze!
1. Julen Lopetegui, Uyu ni umutoza wa West Ham United wayigezemo muri uyu mwaka w’imikino turimo wa 2024-2025, kuri ubu ari ku mwanya wa 14 muri shampiyona na amanota 18, akaba umwe mu batoza baguriwe n’abakinnyi bahenze kandi beza Maximilian Kilman (£40m), Luis Guilherme (£25.5m) ndetse na Aaron Wan-Bissaka (£15m) ndetse na Crysencio Summerville (£25m) bavanye muri Leeds United.
2. Russell Martin, umutoza wa Southampton F.C ikaba n’ikipe kugeza ubu iri gufunga urutonde rwa shampiyona na amanota 5 gusa mu mikino 15 , byibuze mu mikino itanu iheruka uyu mutoza nta nota na rimwe arabona.
3. Oliver Glasner, Uyu ni umutoza waje nk’umucunguzi mu mwaka ushize w’imikino dore ko yabakuye mu makuba yo kumanuka bari barashyizwemo na muzehe Roy Hodgson. ariko kuri ubu yibereye ku mwanya wa 16 na amanota 16 gusa atangiye kubizamo neza.
5. Kieran McKenna, uyu ni umutoza w’ikipe ya Ipswich Town F.C aho kuri ubu amaze gutsindwa imikino 8 , akaba ari ku mwanya wa 18 na amanota 12 ikaba iri mu mwenda w’ibitego 12.