Nyanza : umugabo washatse kwiyicira umugore yiyemereye icyaha
Umugabo ufite imyaka 39 yemereye urukiko rwisumbuye rwa Huye ko yacuze umugambi wo gushaka kwivugana uwahoze ari umufasha we amusanze aho yari yarahukaniye mu Murenge wa Nyagisozi mu Karere ka Nyanza .
Iki cyaha uyu mugabo akurikiranyweho byemezwa ko byakozwe mu ijoro ryo ku ya 24 Ukwakira muri uyu mwaka agikorera mu Mudugudu wa Nyamutobo, Akagari ka Kabuga, Umurenge wa Nyagisozi, mu Karere ka Nyanza.
Ubwo yari mu iburanishwa ntiyigeze agora ubushinjacyaha kuko, uyu mugabo yemereye urukiko rwisumbuye rwa Huye ko yashatse kwica umugore we amusanze mu rugo yari yarahukaniyemo gusa avuga yabikoreshejwe n’uburakari nkuko byemezwa n’ubushinjacyaha .
Aho yagize ati : Mu iburanisha, uregwa yaburanye yemera icyaha; avuga ko yabyutse sa sita z’ijoro afata umuhoro, asanga umugore we iwabo aho yari yarahukaniye.
“Akomeza avuga ko agezeyo yamusanze aho yari aryamye akamukubita umuhoro mu mutwe no mu ijosi. Asobanura ko yabitewe n’umujinya, akabisabira imbabazi.”nkuko tubikesha Radio 10 .
Uyu mugabo waburanishijwe n’Urukiko Rwisumbuye rwa Huye, akurikiranyweho iki cyaha cyo gushaka kwivugana umugore aho yari amusanze iwabo yahukaniye ndetse ibi binagize icyaga ..
Uyu mugabo aramutswe ahamywe n’iki cyaha aregwa muri uru rubanza rugombwa kuzasomwa tariki 31 Ukuboza 2024 yazahanishwa igifungo cy’imyaka 25 hashingiwe ku ngingo ya 21 n’iya 107 z’Itegeko nº 68/2018 ryo ku wa 30/08/2018 riteganya ibyaha n’ibihano muri rusange.