Real Madrid igeze kure ibiganiro bigamije gusinyisha Trent Alexander-Arnold muri Mutarama
Ikipe ya Real Madrid igeza kure ibiganiro bigamije gusinyisha myugariro Trent Alexander-Arnold usanzwe ukinira ikipe ya Liverpool mu isoko ry’igura n’igurisha ry’abakinnyi ryo muri Mutarama ndetse hakaba hari n’amakuru avuga ko iyi ikipe y’ibwami yamaze kumvikana n’uyu mwongereza kuzatangirira umwaka wa 2025 mu mujyi wa Madrid .
Trent Alexander-Arnold uri mu mwaka we wa nyuma w’amasezerano afite mu ikipe ya Liverpool binavugwa ko abamureberera inyungu batangiye kugenda bumva ubusabe bw’amakipe agiye atandukanye yifuza kwibikaho uyu myugariro w’umwongereza usanzwe ukina yugarira ariko kuruhande rw’iburyo .
Ibinyamakuru birimo Liverpool Echo byaramutse byo byandika ko ibiganiro byo kongerera amasezerano Trent na Liverpool bisa nkaho biri kugenda biguru ntege hafi no kuba bidahamye .
Ikinyamakuru cyitwa Marca cyo muri Esipanye cyo mu nkuru yacyo cyanditse mu ijoro ryakeye cyemeje ko mu bitabo by’iyi ikipe ikomoka ibwami bwa Espiganye byerekana ko ntayindi gahunda ifite ku isoko ryo muri Mutarama usibye gusinyisha Trent bijyanye nuko baherutse kuvunikisha Daniel Carvajal Ramos wakinaga kuri uyu mwanya kandi bikaba bigaragara ko hakiri icyuho giomeye kuri uyu mwanya biri no kugira ingaruka nini ku musaruro mubi iyi ikipe iri kugira .
Daniel Carvajal Ramos uherutse kuza ku mwanya wa kane ku rutonde rw’abahataniraga igihembo cy’umukinnyi mwiza kurusha ku isi gitangwa n’ikinyamakuru rutura kizwi nka France Football cya Ballon d’Or , biteganijwe ko agomba kuzasiba imikino yose ya Real Madrid isigaje gukina muri uyu mwaka w’imikino wose nyuma y’imvune yagiriye mu mukino wa champions league iyi ikipe yakinnye mu kwezi kwa cumi .