Real Madrid yavuze icyo itekereza ku musaruro mubi wa Carlo Ancelotti
Ubuyobozi bwa Real Madrid buracyafitiye ikizere umutoza Dr. Carlo Ancelotti nyuma yo kuba atari kwitwara neza.
Uyu mutoza ukomoka mu gihugu cy’Ubutaliyani w’imyaka 65 yari yaraguriwe abakinnyi bahenze kandi beza ku buryo benshi batekerezaga ko noneho umusaruro ugiye kuba mwinshi.
Aba barimo Jude Bellingham wahageze muri 2023 ndetse na Kylian Mbappé wahageze muri iyi mpeshyi ya 2024 atanzweho akayabo ka €125M.
Carlo Ancelotti na Real Madrid muri shampiyona bamaze byibuze imikino 4 badatsinda batsinda imikino irindwi mu mikino 11, bakaza ku mwanya wa kabiri inyuma ya Barcelona ibarusha amanota 9 nubwo bagifite umukino w’ikirarane wa Valencia.
Aho bikomereye cyane ni muri UEFA Champions League aho mu mikino 4 Real Madrid imaze gustinda imikino 2 ndetse hari uwo yatsinzwe nabi na AC Milan ibitego bitatu kuri kimwe(3-1) kuri Santiago Bernabéu.
Ibi byose byatangiye kuzamura byinshi ku mutoza Ancelotti gusa amakuru ava i Madrid avuga ko bakizeye ko umutoza wabo azabikora ndetse agakemura ibibazo biri muri iyi kipe.
Byumwihariko iby’abamyugariro ndetse no kudahuza hagati y’Umufaransa Kylian Mbappé ndetse na Vinicius Junior.