Muhanga : Umugabo yiyemereye ko yatemye umugore we ijosi amuziza kuba amuca inyuma
Umugabo utuye mu karere ka Ruhango ukurikiranyweho cyo kwica umugore we amutemye ijosi yavuze ko icyamuteye gukora aya mahano ko ari impamvu zuko yahoraga amuca inyuma .
uyu mugabo w’imyaka 56 bivugwa ko iki cyaha ari gukurikiranwaho yaba yaragikoze mu ijoro ryo ku ya 28 Ukwakira 2024 ndetse akagikorera aho yari atuye mu Mudugudu wa Nyarushishi, Akagari ka Rwoga, Umurenge wa Kabagali .
Ku i tariki 30 Ukwakira 2024 nibwo dosiye ikubiyemo ikirego uyu mugabo akurikiranyweho yagejejwe ku Ubushinjacyaha ku Rwego Rwisumbuye rwa Muhanga, ngo buyirege Urukiko Rwisumbuye rwa Muhanga.
Bivugwa ko kuri iyi tariki ivugwa ko ari yo uyu mugabo yakoreyeho iki cyaha , ngo uyu uregwa yabanje kugirana igisa n’intonganya hagati ye n’umugore we ubwo yari ageze iwe ari nabyo byavuyemo ko uburakari bwatumye amarangamutima asumba imitekerereze akavaho agafata umuhoro akamutema ku ijosi nkuko byemezwa n’ubushinjacyaha .
Aho ubushinjacyaha bwagize buti : “Mu ibazwa rye, uregwa yemera icyaha agasobanura ko gutema umugore we yabitewe n’uko yari asanzwe amukekaho kumuca inyuma.”
Uyu mugabo naramuka ahamijwe icyaha akurikiranyweho, azahanishwa igihano cy’igifungo cya burundu, nk’uko biteganywa n’ingingo ya 107 y’Itegeko nº 68/2018 ryo ku wa 30/08/2018 riteganya ibyaha n’ibihano muri rusange.