Premier League : Kera kabaye Manchester united yacyuye amanota atatu imbumbe !
Ikipe ya Manchester united imaze kubona amatatu imbumbe imbere y’ikipe ya Brentford nyuma yo kuyitsinda ibitego bibiri kuri kimwe bya Alejandro Garnacho Ferreyra na Rasmus Højlund byaje baje byishyura igitego cyaje mu minota ya mbere cya Pinnock wabanje gufungura amazamu kuruhande rwa Brentford .
uyu wari umukino wari utegerejwe cyane muri shampiyona y’ikiciro cya mbere y’abongereza nyuma yuko ikipe ya Manchester united yari imaze iminsi myinshi itazi kubona amanota atatu imbumbe uko bisa kuko yaherukaga kujya gukura inota rimwe ku kibuga cya ekipe ya Aston villa kizwi nka Villa park mbere ho gato yuko abakinnyi berekeza mu makipe yabo y’ibihugu .
umuholandi Eric tenhag wari wicariye agatebe gashushye nkuko amakuru yavuga i Manchester yabitangazaga ni uko uyu mukino yari yawutezwe ndetse igihe cyose yari bube awutakaje uyu mukino yari buhite yerekwa imiryango .
umutoza Thomas frank wa brentford wari wasuye Manchester united yari yahisemo gukoresha uburyo bw’imikinire bwa (4-2-3-1) ndetse abanzamo abarimo umuzamu Flekken; Van den Berg, Collins, Pinnock, Ajer; Janelt, Norgaard; Mbeumo, Damsgaard na Lewis-Potter na Schade.
Naho Erik ten Hag yari yahisemo gukinisha abarimo Onana; Lindelof, De Ligt, Martinez, Dalot; Eriksen, Ugarte; Garnacho Ferreyra , Fernandes, Rashford na Hojlund ndetse akoresha uburyo bw’imikinire bwa (4-2-3-1) .
Uyu mukino wari wasifuwe n’umwongereza Samuel Barrot , maze united itangira ikorwa mu jisho na Ethan Pinnock ku mupira mwiza wari uhinduwe na Mikkel Damsgaard mbere ho gato yuko bajya kuruhuka mu gice cya mbere .
Gusa mbere yaho gato umutoza Tenhag yari yahawe ikarita y’umuhondo nyuma yo kugaragaza imyitwarire idahwitse ku basifuzi maze Samuel Barrot amwereka ikarita y’umuhondo .
Mu gice cya kabiri cyigitangira united yaje yiminjemo agafu ndetse inasatira kuko nyuma y’iminota ibiri yonyine uwitwa Aljendaro Garnacho ku mupira yari ahawe neza na Marcus Rashford yaje kwishyurira amashitani atukura maze abafana batangira gutiza umurindi iyi ikipe .
Ibi byaje no gutuma Manchester united icyura amanota atatu imbumbe iturutse inyuma nkuko isanzwe ibigenza imbere ya Brentford ikunzwe kwitirwa inzuki kuko ku mupira yari ahawe na kapiteni we Bruno Fernandez umunya – Denmark Ramus Højlund yaboneye iyi ikipe igitego cya kabiri hatangira kuririmbwa Glory glory man – united .
