Kapiteni w’ikipe y’igihugu y’ubufaransa Kylian Mbappe ari gukorwaho iperereza ku cyaha cyo gufata ku ngufu bivugwa ko yakoreye mu gihugu cya Suwede yari yaragiye gufatiramo ibiruhuko mu minsi ishize .
Aya makuru aje nyuma y’ibyavugwaga na bimwe mu bitangazamakuru byo muri suwede ko Mbappe Lottin ari gukorwaho iperereza ryimbitse ku byaha yaregwaga birimo gufata ku ngufu ngo yaba yarakoreye muri imwe mu mahoteli akomeye aherereye mu mujyi wa Stockholm muri Suwede .
Ibitangazamakuru byo muri Suwede nka Aftonbladet na Expressen byavuze ko uyu mukinnyi w’umupira wamaguru yamaze iminsi ibiri i Stockholm mu cyumweru gishize, akanajya no muri resitora ku mugoroba wo ku wa kane mbere yo kwerekeza mu kabyiniro kijoro bizwi nka [ night club ] ari naho bamushinja ko yaba yarakoreye ayo mahano.
Gusa kurundi ruhande , abanyamakuru b’intasi bakorera televiziyo rutura yo muri Suwede yitwa TV4 News batangaje ko hari umugore utarashatse ko imyirondoro ye ishyirwa ahagaragara wageze mu bitaro byita ku bafashwe ku ngufu muri kiriya gihugu ,akanabahamiriza ko ari Mbappe wamufashe ku ngufu ku wa gatandatu w’icyumweru gishize .
Nubwo havugwa ibi kandi , Kylian Mbappé Lottin abinyujije ku mbuga nkoranyambaga byumwihariko urubuga rwa X yahoze ari Tweeter yatangaje ko ibi byose biri kumuvugwaho ko ari ibinyoma .
Mbappé w’imyaka 25 yinjiye kuri gusa muri Real Madrid avuye muri Paris Saint-Germain mu isoko ry’igura n’igurisha ryo muri iki ki, akaba amaze kwinjiriza akaba amaze kwinjiza ibitego 7 mu mikino 11 amaze gukinira iyi ikipe ifatwa nk’ubukombe yo mu gihugu cya Esipanye .
