Iceland : Minisitiri w’intebe yasheshe guverinoma yari ihuriweho ndetse ahamagaza amatora y’igitaraganya yo kuyisimbuza
Minisitiri w’intebe wa Iceland witwa Bjarni Benediktsson yasheshe guverinoma ihuriweho n’amashyaka atatu y’igihugu kandi asaba ko amatora mashya yaba mu Gushyingo.
Ku cyumweru, mu kiganiro n’abanyamakuru, Benediktsson yavuze ko ibibazo byagaragaye mu ihuriro ryiswe iry’ibumoso birimo ibijyanye na politiki y’ububanyi n’amahanga, abasaba ubuhunzi n’ingufu ndetse biri no mu byatumye hafatwa iki cyemezo gikarishya mu buryo bw’ikubagaho, nk’uko yabitangarije igitangazamakuru cya leta.
Ihuriro ryahiritswe ku butegetsi ryari ryiganjemo abarwanashyaka b’ishyaka rya Independence Party ,Left-Green Movement n’iryitwa centre-right Progressive Party.
Minisitiri w’intebe yavuze ko ibibazo bitaganiriweho cyane mu matora aheruka yo muri 2021 ugereranijwe uko bigomba kuganirwaho ubu, anashimangira ko Icyerekezo cy’amwe mu mashyaka yari mu yagize guverinoma cyari gitandukanye n’icyerekezo, ashaka guhagararaho kuri ubu .
Benediktsson yanabwiye ikinyamakuru Visir ko byaba byiza guverinoma igize icyerekezo kimwe .Yongeyeho ati: “Birababaje iyo imishinga igenda ihinduka cyangwa ibintu bigahinduka gusa hari gihe impinduka ziba ari ngombwa kuba “.
Minisitiri w’intebe yavuze ko azahura na Perezida wa Iceland witwa Halla Tomasdottir ku wa mbere kugira ngo baganire ku iseswa ry’inteko ishinga amategeko n’amatora y’abadepite, agomba kuba mu minsi 45 vuba aha, nk’uko RUV ibitangaza.
Minisitiri w’intebe, umaze kuvuga ko ashyigikiwe cyane n’ishyaka rye kugira ngo arihagarare mu matora yo mu Gushyingo, ni umwe mu banyapolitiki b’inararibonye muri Iceland ndetse uyu yanabanje kuba minisitiri w’imari na minisitiri w’ububanyi n’amahanga.
Minisitiri w’intebe wa Iceland witwa Bjarni Benediktsson yasheshe guverinoma ihuriweho n’amashyaka atatu y’igihugu kandi asaba ko amatora mashya yaba mu Gushyingo.