Intambara ya Israel na Palestine : Isiraheli yashenye umusigiti n’isoko mu majyepfo ya Libani mu cyiswe ibitero by’ ‘ Imperuka’
Ibitero byinshi by’indege bya Isiraheli byasenye umusigiti n’isoko mu majyepfo ya Libani, aho bije mu gihe Isiraheli yakajije umurego mu bikorwa byo gutera ibisasu muri iki gihugu hose.
Ikigo cy’igihugu gishinzwe amakuru muri Libani cyimaze gutangaza ko mu gitero cya Isiraheli giheruka mu gitondo cyo ku cyumweru, cyasenye umusigiti ushaje wari mu mudugudu wa Kfar Tibnit mu majyepfo ya Libani .
Nk’uko Croix-Rouge yo muri Libani ibitangaza, mu mujyi wa Nabatieh wo mu majyepfo y’iki gihugu, ngo igitero cyagabwe ku isoko ku wa gatandatu cyahitanye abantu benshi gitera n’inkongi y’umuriro gusa Umubare w’abapfuye n’abakomeretse nturamenyekana kubera umuriro mwinshi.
Ibitero biheruka gukurikira itegeko rya Isiraheli ryasabaga leta ya Libani kwimura bo midugudu 23 yo mu majyeepfo y’iki gihugu ndetse ko kuri ubu Abantu benshi bahungiye mu majyaruguru ya Libani kugira ngo bahunge ibitero by’indege bya Isiraheli.
Hagati aho, byibuze abantu 15 barapfuye abandi 37 barakomereka mu bitero byagabwe muri Libani yo hagati no mu majyaruguru mu gihe ingabo za Isiraheli zagabye igitero byibuze mu turere dutatu hanze y’ibirindiro gakondo by’umutwe wa Libani, Hezbollah.
Umujyi wa Deir Billa uri mu majyaruguru ya Libani wibasiwe n’igitero cy’indege cya Isiraheli ku nshuro ya mbere kuva imirwano yakomera. Minisiteri y’ubuzima ya Libani yavuze ko abantu babiri bishwe abandi bane barakomereka kubera ko “ibice by’umubiri” bitamenyekanye byagaruwe nyuma y’igitero cya Isiraheli.
byibuze abantu 15 barapfuye abandi 37 barakomereka mu bitero byagabwe muri Libani yo hagati no mu majyaruguru mu gihe ingabo za Isiraheli zagabye igitero byibuze mu turere dutatu hanze y’ibirindiro gakondo by’umutwe wa Libani, Hezbollah.
DAILY BOX POLITICS / MIDDLE EAST