Meya wanze kugarura gitifu yirukanye yo ngeye kwandikirwa ibaruwa ya kabiri nyuma yo kwirengagiza iya mbere
Umuyobozi w’Akarere ka Rulindo Madamu Mukanyirigira Judith yongeye kwandikirwa ibaruwa asabwa gusubiza umuyobozi w’Umurenge yirukanye mu nshingano ,nyuma yongwandikirwa iya mbere ariko akinangira .
Komisiyo y’Igihugu Ishinzwe Abakozi ba Leta (NPSC) nk’uko bigaragara mu ibaruwa banditse tariki ya 07 Ukwakira 2024 yibutsa uyu Meya w’Akarere ka Rulindo Madamu Mukanyirigira Judith ko agomba gusubiza mu kazi Umunyamabanga nshingwabikorwa w’Umurenge wa Mbogo Bwana Ndagijimana Frodouard yakuye mu nshingano umushinja gukoresha ububasha ahabwa mu buryo bunyuranyije n’amategeko.
Akamushinja ko yahinduye imyirondoro y’umwana, gusa Komisiyo y’Igihugu Ishinzwe Abakozi ba Leta (NPSC) bo bakagaragaza ko iyo myirondoro yahinduwe n’umuyobozi ushinzwe irangamimirere mu Murenge nk’uko byemejwe na NIDA ku itariki ya 06/11/2023.
Uyu muyobozi w’Akarere ka Rulindo, suyu gusa yirukanye kubera ko yanirukanye Nzeyimana Jean Vedaste wayoboraga Umurenge wa Cyinzuzi, Abandi babiri bayoboraga Utugari, barimo Nsengiyumva Samuel wayoboraga Akagari ka Muvumo mu Murenge wa Shyorongi, na Biringiramahoro Efasto wayoboraga Akagari ka Taba mu Murenge wa Rusiga bose n’ubundi akabashinja gukoresha ububasha bafite mu nyungu zabo bwite.
Mu ibaruwa yabo , Komisiyo y’Igihugu Ishinzwe Abakozi ba Leta (NPSC) basoza bibutsa gushyira mu bikorwa umwanzuro wafashwe [ariwo wo gusubiza Ndagijimana Frodouard mu nshingano yari yakuwemo n’uyu Mumeya] kandi washyirwa mu bikorwa bagahita bamenyesha iyi Komisiyo mu gihe kitarenze iminsi 15.
Iyi Komisiyo ivugako imyanzuro yose yafashe[yo gutegeka Meya gusubiza mu nshingano uwo yirukanye] ishingiye ku mategeko.
Cyane cyane ku itegeko nshinga N0 67/2018 ryo ka wa 30/08/2018. Rigena inshingano imitunganyirize n’imikorere bya Komisiyo y’Igihugu Ishinzwe Abakozi ba Leta mu ngingo ya 5(3) iteganya ko: Komisiyo ifite inshingano yo kugenzura ko inzego za Leta zubahiriza amategeko amabwiriza n’ibyemezo bijyanye n’imicungire y’abakozi ba Leta.
Meya Mukanyirigira Judith wahawe iri tegeko ryo gusubiza mu nshingano Bwana Ndagijimana Frodouard akaba umuyobozi nshingwa bikorwa w’Umurenge wa Mbogo, yatangiye kuyobora Akarere ka Rulindo kuva mu mwaka wa 2018 tariki ya 19 Ugushyingo n’ukuvuga ko amaze imyaka irenga itanu ayobora aka karere.
