Manishimwe Djabel yanenze imigurire idahwitse y’Amakipe yo mu Rwanda!
Djabel Manishimwe wakiniye amakipe akomeye hano mu Rwanda nka Rayon Sports na APR FC yanenze imigurire y’Amakipe yo mu Rwanda yemeze ko itatuma yitwara neza.
Yabigarutse ho ubwo yageragezaga kwerekana impamvu amakipe yo mu Rwanda atajya yitwara neza cyane mu marushanwa yo ku mugabane wa Africa nka CAF Champions League ndetse na Confederations Cup kandi aba yaguze abakinnyi bahenze rimwe na rimwe.
yagize Ati “ukagura abakinnyi beza ukazana abo muri Ghana ushaka kwitwara neza muri Champions League? amakipe yabo agerahe?”
Uyu musore uheruka gukina mu Rwanda akinira ikipe ya Mukura VS ya komeje asobanura izindi mpamvu nyamukuru zatuma amakipe yo mu Rwanda ntakintu yakora ku rwego rw’umugabane “Kuva umupira wo mu Rwanda wabaho, ntakipe iragura Umunyamahanga ufite amasezerano cyereka avuye i Burundi”.
Cyane yabishingiraga ku makipe ya hagariye u Rwanda mu mikino Nya-Africa mu myaka yavuba nk’ikipe y’Ingabo z’Igihugu imaze imyaka ibiri yikurikiranya bagura abanyamahanga ariko bikarangira kwitwara neza byanze kimwe na Police FC muri uyu mwaka.
Djabel Manishimwe ni umwe mu bafite inararibonye muri ruhago yacu dore ko ya kinnye igihe kirekire muri shampiyona y’umupira w’amaguru y’Urwanda mu makipe nka Isonga 2013-14, Rayon Sports 2014-2019,(USM Khenchela yo muri Algeria 2023-24)ndetse utibagiwe n’ikipe y’Igihugu y’Urwanda yakiniye imikino 16 kuva mu mwaka wa 2017.
