World cup 2026 Qualifiers;Cameroun ibifashijwemo bikomeye na Onana yatsinze Cape verde

amakipe y\’ibihugu y\’Africa akomeje guhatana ashakisha itike iyajyana mu mikino y\’igikombe cy\’isi 2026 kizabera muri America y\’epfo mu bihugu bya; Canada, Mexico na Leta zunze ubumwe za Amerika. Wari umunsi wa 3 wo guhatanira iyo tike, aho amakipe y\’ibihugu atandukanye kuva mu itsinda rya mbere 1 kugeza ku itsinda rya 9 ari na ryo rya nyuma amakipe agabanijwemo, bakinaga guhera ku munsi wo kuwa kane 4.

Muri izi mpera z\’icyumweru taliki 8/06/2024, ekipe y\’igihugu ya cameroon bakunze kwita intare zitava ku izima \”Indomitable Lions\”. Mu itsinda rya kane 4 baherereyemo hamwe n\’ibihugu nka;Libya, Angola, Cape Verde, Mauritus, ndetse na Eswatini. Hari kuri stade Omnisport Ahmadou Ahidjo mu murwa mukuru i yaounde muri Cameroon , ikipe y\’igihugu ya cameroon \”indomitable lions\” itozwa n\’ umutoza w\’umubiligi Marc Brys, yakiraga ekipe y\’igihugu ya Cape Verde batazira \”Blue Shark\” itozwa n\’umutoza Pedro Leitao Brito \”Babista\”.

Wari umukino wari wakaniwe na ama ekipe yombi, aho Cameroon indomitable lions yashakaga gukomeza kuyobora itsinda rya 4 mu gihe ekipe ya Cape verde [Blue Shark ]ya haraniraga kongera amanota 4 yari ifite iri kumwanya wa 4. Ntibyaje guhira ekipe y\’ igihugu ya Cape Verde kuko nka ekipe ya cameroon yari iri mu rugo yabigaragarije mu kibuga bitwara neza atsinda ibitego 4-1. ekipe ya Cameroon indomitale lions nka ekipe yari yakiriye umukino, yatangiye ifungura amazamu ku munota wa 14 w\’umukino ifashijwe n\’umukinnyi Michael Ngadeu, ku mutwe ukomeye waturutse ku mupira wari utewe na Moumi Ngamaleu. ibi byatumye ekipe y\’igihugu ya Cameroon yataka cyane ishaka gushiramo ibindi bitego. Aho ku mnota wa 25 w\’umukino captain wa Cameroon Vincent Aboubakar yaje guterekamo igitego cya 2 ku mupira yari ahawe nanone na Mouni Ngamaleu.

Cape Verde Blue shark nayo ku munota wa 37 w\’umukino yaje kwishyura igitego cyatsinzwe n\’umukinnyi Jamiro Monteiro, ariko ekipe ya\’igihugu ya cameroon yakomeje kotsa igitutu Blue shark kugeza ubwo ba myugariro ba ekipe ya Cape verde bakoze amakosa bayakorera abataka ba Indomitable Lions. Ku munota wa 44 w\’ umukino habura umunota umwe gusa ngo igice cya mbere kirangire, ekipe ya Cameroon yabonye penaliti iterwa na capiteni Vincent Aboubakar igice cya mbere kirangira ekipe y\’igihugu ya Cameroon iyoboye n\’ibitego 3-1.

Igice cya kabiri 2 amakipe yombi yatangiranye imbaraga, ekipe ya cameroon ibona igitego cya kane 4 ku munota wa 54 cyatsinwe n\’umukinnyi Nouchou Tolo ku mupira yari ahawe na Maomi Ngadeu, biba bibaye ibitego 4-1. ikipe y\’igihugu ya Cape verde yakoze impinduka zitandukanye kugira ngo ibone insinzi ariko bikomeza kugorana. Ni umukino wabonetsemo amakarita abiri 2 y\’umuhondo yahawe abakinnyi ba Cameroon Carlos Baleba na Jackson Tchatchoua. Ikipe ya Cape Verde yaje kubona penaliti ariko umunyezamu Andre Onana Onana wa Cameroon ayikuramo.

Cameroon ikomeje kuyobora itsinda rya 4 n\’amanota 7 ikurikiwe na libya ifite amanota 7,Angola n\’amanota 5,Mauritus n\’inota rimwe,Eswatini ikaba iya nyuma n\’ubusa bw\’amanota. umukino ukurikira Indomitable lions ekipe ya Cameroon izahura na ekipe y\’igihugu ya Angola ya 3 muri iri tsinda naho Blue Shark ekipe ya Cape verde izakira ekipe y\’igihugu ya Libya. Amakipe ahabwa amahirwe muri iri tsinda ni; Cameroon na Angola, ekipe y\’igihugu ya Cameroon iheruka kwitabira gikombe cy\’isi giheruka cya 2018 cyabereye mu gihugu cy\’u Burusia.