Umutoza wa Real Madrid Ancelotti yavuze ku musaruro udashimishije wa Mbappé ku mukino batakaje wa Liverpool
Umutoza w’ikipe ya Real Madrid Dr Carlo Ancelotti yagize icyo atangaza ku musaruro wa Kylian Mbappé ku mukino iyi kipe atoza yatsinzwemo na Liverpool ibitego bibiri ku busa(2-0) ku munsi wa Gatanu wa Champions League.
Wari umukino wabereye Anfield ku kibuga cya Liverpool aho muri uwo mukino Liverpool yatsindiwe na Alexis Mac Allister ndetse na Cody Gakpo, gusa ni umukino wabereye mubi Mbappé cyane ko yanahushije penaliti muri uwo mu kino.
Igitangaje ni uburyo benshi bari baziko uyu Mufaransa aza koroherwa cyane no kwitwara neza, cyane ko yakinaga ku mwanya we akunda [ahengamiye ibumoso], ikindi uruhande yacagaho yahuraga na Conor Bradley akaba uwa Kabiri kuri uyu mwanya inyuma ya Trent Alexander-Arnold.
Gusa icyatunguranye ni uburyo Mbappé yabaye usanzwe imbere y’uyu musore w’imyaka 21, ibi bigaragazwa ni mibare ya Mbappé muri uyu mukino ndetse ni mibare ya Conor Bradley muri uyu mukino, aho yatanze umupira umwe wavuyemo igitego, yagaruye umupira mu biganza bya Liverpool inshuro 9, inshuro 11 yahanganiye umupira n’abasore ba Real Madrid ku butaka inshuro 7 yabatwaye umupira, mu gihe mu kirere yose yayibatwaye (Aerial duels won).
Umutaliyani wa Real Madrid Carlo Ancelotti avuga ku musaruro utari mwiza wa Mbappé kuri uyu mukino yagize Ati “Mbappé ni umukinnyi uri ku rwego rwo hejuru, tu gomba kwihangana. kwihangana n’iyo nzira yonyine ishoboka.
Kuri ubu Real Madrid iri no mu bibazo bikomeye byo kugira umubare w’abakinnyi benshi bafite imvune barimo: Dani Carvajal, David Alaba, Éder Militão, Aurélien Tchouaméni, Rodrygo Silva de Goes, Vinicius Junior ndetse na Eduardo Camavinga wavunitse ku mukino wa Liverpool.
Igikomeye kurushaho ni uko Barcelona bahora bahanganye muri shampiyona abakinnyi bayo benshi yo bari kugaruka dore ko abarimo: Ferran Torres, Ronald Araújo ndetse na Lamine Yamal bamaze kugaruka mu myitozo.