Rayon Sports irahagarikwa nande? yongeye gutsinda nta kwinjizwa igitego

Kuri iki Cyumweru tariki ya 24 Ugushyingo 2024, hakinwe umunsi wa 10 wa shampiyona y’umupira w’amaguru mu Rwanda aho ikipe ya Rayon Sports yisasiye ikipe ya Gorilla FC bari bahanganiye umwanya wa mbere yuzuza umukino wa karindwi wikurikiranya itsinda.

Iyi kipe yambara amabara y’ubururu n’umweru bari bakiri we na Gorilla FC kuri Kigali Pele Stadium nayo yashakaga umwanya wa mbere ndetse yari yakaniye uyu mukino , ikisumbuye kuri ibi Gorilla FC yari ifitanye amasinde na Rayon Sports kubera umukino yayibujijemo amahirwe y’igikombe .

Nk’uko byifuzwaga n’abafana ba Rayon Sports hakiri kare rwose ku munota wa 30′ Umunya-Senegal Ngagne Fall yatsinze igitego cya mbere binatuma yuzuza igitego cya Kane muri shampiyona y’u Rwanda umwaka w’imkino wa 2023-2024.

Amakipe yombi yakomeje gushaka ibitego Rayon sports ishaka igitego cya kabiri Gorilla FC ishaka kwishyura ariko igice cya mbere kirangira Rayon Sports iyoboye , iza no gusoza umukino iyoboye ku giteranyo cy’ibitego bibiri ku busa (2-0), kubera ko ku muno wa 63′ kapiteni w’iyi kipe Kevin Muhire yatsinze igitego cya kabiri kuri penaliti.

Ibi bisize bihamije umwanya wa mbere kuri Rayon Sports na amanota 23 ikaba kuri ubu izigamye ibitego 12 kubera ko yinjije ibitego 14 yinjizwa ibitego 2 gusa , ni mu gihe Gorilla FC yahise iva ku mwanya wa kabiri yariho ijya ku mwanya wa kane na amanota 18.

Indi mikino yabaye kuri iki Cyumweru ikipe y’Amagaju yari yakiriye AS Kigali kuri sitade ya Huye birangira AS Kigali ihanabatsindiye ibitego bibiri kuri kimwe(2-1), mu gihe Mukura VS yahuye n’uruvagusenya itsindwa na Rutsiro FC ibitego bitatu ku busa(3-0).