Nta Messi cyangwa Ronaldo muri 30 bazavamo utwara ball d’or
Bwa mbere kuva mu 2003, yaba Cristiano Ronaldo cyangwa Lionel Messi batashyizwe ku rutonde rw’abahatanira igihembo cya Ballon d’or y’abagabo, Jude Bellingham wo mu Bwongereza ari mu bakinnyi 30 b’umupira w’amaguru bari guhatanira iki gihembo.
Umukinnyi w’icyamamare wo muri Porutugali Ronaldo, wegukanye iki gihembo inshuro eshanu, yari yarananiwe kubona kandidatire umwaka ushize nabwo, mu gihe Messi wegukanye intsinzi ye ku nshuro ya munani mu 2023 akaba yatowe inshuro 16, ariko akaba yabuzemo nubwo yatwaye Copa America hamwe na Arijantine uyu mwaka .
Espagne, yatwaye Euro 2024, ifite abakinnyi batandatu batoranijwe, barimo Lamine Yamal w’imyaka 17 ukinira ikipe ya Barcelona, hamwe na Nico Williams, Alejandro Grimaldo, Dani Olmo, Rodri na Dani Carvajal, na bo batwaye igikombe cya Shampiyona hamwe na Real Madrid.
Real ifite abakinnyi barindwi batoranijwe, barimo Kylian Mbappe uherutse kuyisinyira avuye muri Paris St Germain, hamwe na Bellingham na Vinicius Junior wo muri Berezile.
Ubwongereza, bwakuwemo na Espagne muri Euro 2024, bufitemo abandi batanu batoranijwe usibye Bellingham: Harry Kane, Bukayo Saka, Declan Rice, Cole Palmer na Phil Foden.
Rodri wagizwe umukinnyi w’iri rushanwa muri Shampiyona y’Uburayi, yavuze ko ikipe ye ikwiye kugira umwe mu bakinnyi babo atsindira Ballon d’or.
Mu gihe iki gihembo cyiganjemo abakinnyi ba shampiyona ya Espagne, nta munya Espagne watsindiye igihembo cy’umukinnyi witwaye neza ku isi ,gusa Espagne yasoje Shampiyona yu Burayi [Euro 2024] itsinze imikino irindwi yose mu Budage, inatsinda ibitego 15.
Nyuma y’umukino wa nyuma, umukinnyi wa Manchester City yagize ati: “Umupira wa Espagne ukwiye uwatsinze Ballon d’or.” Ati: “Ngiye kuba inyangamugayo, nifuza ko Umunya Espagne ayitwara pe, sinzi uwo ari wo. gusa byaba byiza abaye umunya-espanye. ”
Rodri abajijwe ku mahirwe ye yo gutwara iki gihembo, yagize ati: “Nshingiye ko [uefa Champions League yatwawe na Real Madrid] Dani Carvajal na we abikwiye. Nkurikije uko umuntu ku giti cye, nishimiye cyane ibyo nkora no kumenyekana mbona. Ariko hari undi muntu ugomba gukora iryo suzuma. ”
Muri Ballon d’or Feminin y’abagore, Barcelona yegukanye igikombe cya Shampiyona ifite abakandida batandatu bose hamwe, barimo Aitana Bonmati watsinze umwaka ushize ndetse na Alexia Putellas wegukanye inshuro ebyiri.
Ibirori byo gutanga ibihembo bya Ballon d’or 2024, byo kwambika ikamba umukinnyi mwiza ku isi, bizaba ku ya 28 Ukwakira i Paris.