Ndashaka kunga ishyaka ryange kandi nkanatsinda Donald Trump : Kamala Harris
Kamala Harris usanzwe ari Visi perezida Amerika yavuze ko ashaka kuzana ubufatanye mu ishyaka rye ry’abademokarate bikamufasha kuzatsinda Donal Trump mu matora ateganijwe mu ugushyingo muri iki gihugu.
Nyuma yuko intumwa z’ishyaka ry’abademokarate zihagije kugira ngo yemezwe nk’umukandida w’ishyaka ryabo mu matora ya perezida ryemeje ko rizagwa inyuma Harris Kamala yavuze ko ashaka kunga ishyaka rye, kunga igihugu, no gutsinda Donald Trump mu matora yo ateganijwe mu Ugushyingo uyu mwaka.
Nkuko itangazo yacishije k’urubuga rwe rwa X yahoze ari tweeter Kamala Harris yavuze ko ashimira Perezida Joe Biden na buri wese mu ishyaka ry’abademokarate kubwo kumugirira icyizere cyo guhagararira ishyaka ryabo
Tonight, I am proud to have earned the support needed to become our party’s nominee.
— Kamala Harris (@KamalaHarris) July 23, 2024
Over the next few months, I'll be traveling across the country talking to Americans about everything on the line. I fully intend to unite our party and our nation, and defeat Donald Trump. pic.twitter.com/Bsq3N6pMAi
Kuva ku cyumweru ubwo Joe Biden yatangaza ko aretse kwiyamamariza kuba perezida, miliyoni z’amadorari zimaze kwisuka nk’impano yo gushyigikira kwiyamamaza kwa Kamala Harris.Mu itangazo rye uyu munsi, Harris yavuze ko mu mezi ari imbere agiye kuzenguruka Amerika abwira abaturage bayo ibyo ateganya.Nubwo Uruhande rwa Trump na rwo rukomeje kugaragaza Harris nk’umuntu udakomeye bihagije kandi waba ari akaga abaye perezida.
Kamara Harris w’imyaka mirongo itandatu,yari yungirije Perezida Joe Biden kuva muri 2021,akaba uwa 49 muba perezida bungirije kuva Leta Zunze Ubumwe z’Amerika zashingwa,aramutse atowe yaba ariwe mwirabura n’umunya Asia Kandi w’igitsina gore uyoboye izi Leta Zunze Ubumwe Za Amerika. aya matora y’Umukuru w’igihugu ateganijwe kuzaba muri uku kwezi Kwa cumi na kumwe uyu mwaka.