Kinshasa: abagera ku 129 bapfuye nyuma yo gushaka gutoroka gereza ya Makala
Nyuma y’uko ku wa mbere leta yari yavuze ko abantu babiri bapfuye mu gikorwa cyo kugerageza gucika gereza ya Makala y’i Kinshasa muri DR Congo, Amashusho ateye ubwoba agaragaza imirambo myinshi irimo n’iyambaye ubusa, yagaragaye ku mbuga nkoranyambaga
Amashusho yakwiriye ku mbuga yerekana imfungwa zigendagenda hejuru y’imirambo myinshi zivuga amagambo y’akababaro, zinenga inzego z’umutekano kwica bagenzi babo bangana gutyo.
Nyuma y’ayo mashuho asa n’ayafatiwe muri gereza yerekana imirambo, n’inama y’igitaraganya y’inzego z’umutekano n’abandi bategetsi mu murwa mukuru Kinshasa, minisitiri w’ubutegetsi bw’igihugu Jacquemain Shabani Lukoo yatangaje ko abapfuye muri iyo gereza ari 129 barimo 24 bishwe n’amasasu.
umuvugizi wa leta ,Patrick Muyaya yahise atangaza ku rubuga X ko ari “igikorwa cyo kugerageza gucika gereza nkuru ya Makala”, yongeyeho ko inzego z’umutekano “zirahari ngo zigarure ituze n’umutekano”.
#RDC : Il s’agit d’une tentative d’évasion à la prison centrale de #Makala.
— Patrick Muyaya (@PatrickMuyaya) September 2, 2024
Les services de sécurité sont sur place pour restaurer l’ordre et la sécurité.
La population kinoise est invitée à ne pas paniquer.
D’autres détails suivront dans la journée. https://t.co/p0TmVg4Prj
Nyuma, Me Samuel Mbemba ministiri wungirije w’ubutabera yatangaje ko mu guhagarika uwo mugambi hapfuye imfungwa ebyiri.
Nyuma y’ayo mashuho asa n’ayafatiwe muri gereza yerekana imirambo, n’inama y’igitaraganya y’inzego z’umutekano n’abandi bategetsi mu murwa mukuru Kinshasa, minisitiri w’ubutegetsi bw’igihugu Jacquemain Shabani Lukoo yatangaje ko abapfuye muri iyo gereza ari 129 barimo 24 bishwe n’amasasu.
Umwe mu bakozi ba gereza yabwiye ibiro ntaramakuru Reuters ko nta mfungwa yabashije gutoroka muri icyo gikorwa.
Reuters imusubiramo agira ati: “Ababigerageje barishwe”.
Gereza ya Makala ifite ubushobozi bwo kwakira imfungwa 1,500 ariko irimo abagera ku 12,000 biganjemo abategereje kuburanishwa, nk’uko bivugwa n’ikigo Amnesty International muri raporo yayo iheruka kuri DR Congo.
Igikorwa cyo ku wa mbere kibukije gutoroka gereza ya Makala kwabaye mu 2017 aho abantu bitwaje intwaro bateye iyi gereza bigatuma abantu barenga 4,000 bari bafunze batoroka.