Bundesliga igiye gutangira ; Bayern Munich yiteguye bingana iki gukosora amakosa yakoze mu mwaka w’imikino ushize ?
ikipe ya Bayern Munich izakina umukino wa shampiyona ya Bundesliga icakirana na ekipe ya VfL Wolfsburg mu mpera z’iki cyumweru turimo hamwe n’umutoza mushya wayo Vincent Kompany ushaka gusubiza iyi kipe kongera kuba umwami w’umupira w’amaguru wo mu Budage.
Mu myaka icumi ishize, iyi kipe yegukanye ibikombe 11 byikurikiranya kuva 2013 kugeza 2023 muri shampiyona y’ikiciro cya mbere y’Ubudage.Ariko muri shampiyona iheruka, , ikipe yumupira wamaguru wumupira wamaguru yo mu Budage ya Bayern Munich , yahagaritswe kuri uyu muvuduko wo gutwara igikombe na Bayer Leverkusen.
Kompany wahoze ari umukinnyi mpuzamahanga w’Umubiligi, wasimbuye Thomas Tuchel , yagiye akora ibishoboka byose kugira ngo agarure ritime y’iyi ikipe yahoranye muri shampiyona ndetse anateze ikizere mu bakinnyi be mbere yuko shampiyona yo ku cyumweru itangira.
Muri iki cyumweru, Lothar Matthaeus wahoze ari kapiteni wa Bayern Munich n’Ubudage, yatangarije imbuga nkoranyambaga mpuzamahanga ati: “Umwaka ushize bari bafite ireme mu mikinire yabo, ariko itumanaho hagati y’umutoza n’abakinnyi ntiryari ryiza”.
Bayern Munich yakoresheje miliyoni 100 z’amayero kugirango izane umukinnyi Michael Olise wo muri Crystal Palace hamwe n’umukinnyi wo hagati Joao Palhinha ukomoka muri Fulham ,banasinyishije myugariro Hiroki Ito wo muri VfB Stuttgart.
Bayern iracyafite kandi Harry Kane na Jamal Musiala bagarutse muri iyi kipe . Kane yayoboye abandi muri Bundesliga mu gutsinda ibitego byinshi muri shampiyona ishize, aho yatsinze 36 mu mikino 32 yakinnye muri iyi kipe.
Bayern Leverkusen yo izatangira shampiyona kumugaragaro kuwa gatanu aho izakina na ekipe ya Borussia Moenchengladbach.